चित्रपट: The Straight Story

आज मी The Straight Story हा चित्रपट पहिला. मला तो फार आवडला.

त्यात एक ७३ वर्षांच्या आजोबांना १० वर्षानंतर आपल्या भावाकडून फोन येतो आणि त्यातही त्याला Heart attack आल्याचे कळते. तेव्हा ते स्वतः जाऊन त्याला भेटण्याचे ठरवतात.

त्यांना डोळ्यांनी कमी दिसत असे, जमिनीवरून स्वतः उठता येत नसे, चालतांना दोन काठ्यांचा आधार घ्यावा लागतसे, अश्या परिस्थितीत ते कोणाची हि मदत न घेता Lawn mover (घास कापण्याची मशीन) ने २४० मैलांचा प्रवास करून त्याला भेत्तायचे ठरवतात.

ह्या सर्व प्रवासात त्यांना आलेले वेगवेगळे अनुभव, त्यांना भेटलेली माणसे व त्यांच्या कडून ह्यांनी आणि ह्यांच्याकडून त्यांनी शिकलेल्या घोष्टी हे सर्व चांगल्या प्रकारे दर्शवण्यात आले आहे.

ह्यातील एका दृश्यात हे आजोबा दोन भावांना भावान्न मधील नाते समजावताना म्हणतात 'There's no one knows your life better than your brother. He knows who you are & what you are better than anyone on earth' पुढे ते सांगतात मागील वेळेस जेव्हा १० वर्षांपूर्वी मी माझ्या भावाशी भेटलो होतो तेव्हा आमच्यात कधी वाद झाला होता व आम्ही एकमेकांस काही न विसरण्या सारख्या गोष्टी बोलून गेलो होतो. आत्ता मी त्या सर्व विसरून जाऊ इच्छितो व त्याला भेटायला चाललो आहे.

(का माहित नाही पण जेव्हा हा सीन मी बघत होतो तेव्हा मला माझ्या जिवलग मित्राची "संदीप" ची फार आठवण आली व मी रडू लागलो. मला आठवतं जेव्हा मी इथे यायला विमानतळावर होतो तेव्हा त्याचा call आला व तो कसा हमसून हमसून रडत होता कि काही शब्दच फुटत नव्हते.)

हा चित्रपट एका सत्य घटनेवर आधारित आहे व पूर्ण चित्रीकरण त्याच वाटेने झाले आहे ज्यांनी Mr. Straight हे आजोबा खरेच गेले होते. आणि हो ह्या चित्रपटातील आजोबांची भूमिका Mr. Richard Farnsworth ह्या ८० वर्षांच्या नटांनी केली.

एकूणच मला हा चित्रपट फार आवडला.

आपला मित्र....